<DIV align=center><BR><FONT color=yellow>مرات الاب تدخل على البت سيندريلا في القبو الي بتنام فيه<BR><BR><BR>مرات الاب : بت يا سندريلا فزي قومي يا بت جاكي خابط فى نفوخك<BR><BR><BR>سندريلا : اييييه يا مرات ابويا خمسه بس <BR><BR><BR>اخطف حلم سريع بس وحقوم<BR><BR><BR>مرات الاب: قومى يا بت قامت قيامتـك <BR><BR>وصحيت سندريلا وهى بتأفأف وزهقانه<BR><BR>مرات الاب : يـاله قومى اكنسـى وامسحى على ما نيجى<BR><BR>سندريلا : وانتو رايحين فين ومتزوقين كده وكل واحده عامله نيو لوك روش<BR><BR>مرات الاب : رايحين حفله الامير اللى حيختار واحده عشان يتجوزهـا <BR><BR>سندريلا : خدونى معاكو انا عاوزه اروح والنبي والنبي<BR><BR>مرات الاب : جتك القرف وتروحى فين يا معفنه<BR><BR>انا عايزه ارجع الاقى البيت بيبرق من نضافته<BR><BR>ومشيت مرات الاب وبناتها الخمسة وقعدت سندريلا تعيـط وتلطم<BR><BR>وفجــأه طلعتلها الســاحره من وابور الجاز<BR><BR>الساحره : مالك ياروح امك بتعيطي لية <BR><BR>سندريلا : كان نفسى اروح معـاهم الحفله بتاعة الامير <BR><BR>بس لبسى مقطع و موبايلى مفهوش (رصيد) ولابسه شبشب <BR><BR>الساحره : ولا يهمك ياجزمة<BR><BR>وطلعت الساحرة من جيبها الموبايل وطلبت الاتليه بتاع مدام تفيدة <BR><BR>يبعتو فستان وجزمه اخر موديـل <BR><BR>فرحت سندريلا ولبست وحطط الايشادو و الجليتور ورشت البرفان <BR><BR>الساحره قالتلها : قدامك للساعه 12 لازم ترجعى والوقت كالحبل ان لم تقطعة ربطك<BR><BR>وكعبلك وقعد يخنقك<BR><BR>انا صعيديه ودمى حامى ومعندش بنات تتأخر اكتر من 12<BR><BR>و لو اتأخرتى حترجعى زى ما كنتى بلبسك القديم وسط الناس يامعفنة <BR><BR>بجد انتى بت بيئة <BR><BR>سندريلا : حاضر حاضر اما ساحره زبالة صحيح <BR><BR>سندريلا من البيت لقت الساحره مجهزة عربية كرو يجرها حمار<BR><BR>ركبت سندريلا وراحت على القصـر<BR><BR>ولفتت حلاوتها كل اللى موجودين وأول ما عين الامير جات عليها <BR><BR>راح وطلب يرقص معاها وهي طبعا ماصدقت وافقــت<BR><BR>نظرات ... همسات .... صمــت ........ حــــب <BR><BR>ترررررررررن ترررررررررررن <BR><BR>سندريلا : ده الساحره بتدينى ميسد كول .. يا خبر الساعه 12 <BR><BR>وقامت طالعه تجرى وقال ايه وهى بتجرى فرده الجزمه اتخلعت<BR><BR>و خدها الامير المعجب و نده للوزير <BR><BR>الامير : يا وزير وائل<BR><BR>الوزير : امرك مولاى هيثم<BR><BR>الامير : خد الجزمه دى اسحبلى صورتها اسكانر <BR><BR>و نزل صورتها فى المنتديات وكل المنتديات الكبيرة وميلودي صياعة<BR><BR><BR>واكتب الى صاحبه هذه الجزمه التوجهه للقصـر الملكــى فورا<BR><BR><BR><BR>بنات كتير جدا راحو و يا سبحان الله الجزمه مجتش على مقاس حد فيهم <BR><BR><BR>(ال يعنى سندريلا مقاس رجليها رجل معزه ) <BR><BR><BR>وبعد كده شاهدت سندريلا الاعلان عن فرده الجزمه <BR><BR><BR>وقامت بالتوجهه الى القصر وتزوجت هى والامير <BR><BR><BR>وعاشو فى تبات ونبات و خلفو تؤام ملتصق وشويه بنات متخلفين عقليا<BR></DIV></FONT>