ظلمت الدنيا بعيني

ظلمت الدنيا بعيني وذاك كل النور غاب

لفت الدنيا براسي وبعثرت روحي الهبايــب

لاهي بغيبة مسافر وانتظر منها كتاب

وارسل الاشواق مني وتلتقي باغلي الحبايب

وأنتظر رجعة كتابك وامسك بيدي الجواب

لكن اغيابك يــايمــه ماأنــتظر منــها كتايــب

غيبتك غيبه طويله سفرتك تحت التراب

ليه يايمه رحلتي وش تبي بذيــك التــــــرايب

ادري يايمه حسبتي لسفرتك هذى احساب

ولا حنا ماحسبنا بان اعــزالنــاس غــايــب

تدري بغيابك يايمه كل فرح العمر غاب

تـدري بغــيابك يايـمه صـارت الدنيا خــرايــب

تدري ان الحزن خيم فينا واصبحنا اغراب

يمه داخلــنـا المصــيبــه يمه تحرقنا اللهــايــب

اااااه ليت العمر يرجع لحضه واتقبل اعتاب

كان ابوس اليــد يــمه ولو امــوت امــوت تايــب

واحضنك يمه بروحي وفيها يتلاشى الضباب

فيها يتلملم اشتاتي وانسى حزني والمصايـــب

وانسى همي اللي غيابك صارله اهم الاسباب

بــس ياعــونة الله يجــبر بنــفــسي الـعــطايــب

ويسكـنك جنات خـلده ويقــبلك رب الاربـــاب

خادمــه لــله ورســوله وخادمــه لام المصايــب

ويحشرك مع منه يشـــفع للملا يوم الحســــاب

ومن شفع له ماتحير او رجع والضن خايب

وصلي ياربي على احمد واله من نسل الاطياب

عدد مارفرف جناح وعدد مازخت سحايب