قوانيــــــــــــــن قســــــــــــم الالعــــــاب ارجو الدخول للجميع قبل المشــاركة فى القســـم

بســــــــــم الله الرحمـــــــــــن الرحيــــــــــــــــم

طبعا قبل أى شئ لم اكن اتمنى ان اضع قوانين وضوابط لقسم مثل الالعاب

ولكنى مضطر لذلك بعد ان وجدت امور لايجب السكوت عنها نهائيا

ويجب وضع ضوابط لذلك

المنتدى عامة مثل المكان العام مثل القناة الفضائية مثل الجريدة الرسمية

مثله كمثل هؤلاء

مايعرض فيه هو مايجذب الزوار والاعضاء اليه

انا وجدت امور لايجب السكوت عنها ويجب وضع قوانين وضوابط لذلك القسم

باعتباره انشط قسم فى المنتدى من حيث الردود فقط ولكن ليس انشط قسم من حيث الافادة

بعبارة اخرى القسم نشيط اه لكن بدون افادة تذكر بالعكس بيضر بمصلحة المنتدى ..........

اولا انا هذكر الاسباب التى جعلتنى اضع مثل هذا الموضوع

... اول شئ المنتديات العامة مثل المنتدى العام والحوار المفتوح والحب والرومانسية وكل المنتديات دى

لم يعد فيها نشاط يذكر واصبحت شبه نائمة

ياعنى مثلا دلوقتى لو اى عضو قام بوضع موضوع فى اى تلك المنتديات او فى المنتديات الاسلامية

بيجد رد واحد عليه او ردين او تلاتة وخلاص

مع ان فى الاول كان هناك ردود كثيرة جدا كادت تصل ل 20 رد على الموضوع الواحد

وكان نشاط الاقسام دى يحتذى به وكان هناك افادة حقيقية لجميع الزوار والاعضاء

لكن حاليا لم يعد لتلك الاقسام اى نشاط

بسبب ان جميع الاعضاء يدخلون هنا فقط للمشاركة فى ذلك القسم فقط

بالرغم انه قسم ترفيهى فقط وبالرغم ايضا اننا فى المرحلة الجامعية ولازم يكون لينا فكر ولينا منهج ونقاشات نمشى عليها

لكن للاسف بندخل هنا وبنشارك ونسينا تماما الاقسام التانية زى الاسلامية والمنتدى العام والحوار المفتوح

وكل ده للاسف بيعود على المنتدى بالفشل

لان طبعا مش معقول هساوى رد بيقول 11111111111111

بموضوع قيم بيتكلم عن الرسول عليه الصلاة والسلام

او موضوع فى المنتدى العام عن الحياة وعن مشاكل الحياة او موضوع فى الحوار المفتوح عن مشاكل الشباب والبنات

وهساوى الموضوع ده برد اسمه 11111111111111

هل هذا يعقل ؟؟؟؟؟؟؟؟؟ طبعا لا

كنت اتمنى انى اجد مساواه ياعنى نوفق بين اللعب وبين الاقسام التانية

زى بالظبط المذاكرة واللعب

هل انتوا مثلا بتلعبوا ومش بتذاكروا او مش بتصلوا طبعا لاء

عملك شئ ومذاكرتك وصلاتك شئ واللعب شئ تانى

لازم توفق بينهم نلعب اه وكل حاجة بس نشوف المنتديات التانية وننشطها

ونعمل مواضيع ونفيد بعض نوفق بين حياتنا ومسقبلنا وبين اللعب

لكن للاسف اللعب اصبح السمة الاساسية للمنتدى

وللاسف الشديد ايضا لاحظت ان احد الاعضاء وبعض الاعضاء

ردودهم تجاوزت ال 800 رد منهم 790 رد فى الالعاب وكلها هههههههه و111111111 وكلام ليس له اى افادة

هل هذا هو مايشير اليه المنتدى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هل هذا هو غرض المنتدى الذى انشأ من اجله

.... تانى شئ من الاسباب قسم الالعاب اصبح بعض الاعضاء فيه

بيتكلموا فيه وبيردوا فيه بالكلام الشخصى

ياعنى مثلا انا دخلت اكتر من لعبه مش قادر ارد ولا العب

وغيرى كتيييييييييييير مش عارفين يدخلوا يلعبوا ولا يستمروا فى المنتدى

عضوات من البنات كتير وصديق ليا مش عارف يدخل ولا يشارك فى القسم

بسبب ان اصبح فيه مجموعات واصبح قسم الالعاب مثل الشات

تدخل اى لعبة تجد هناك شات وحوار بين عضو وعضوة

عن كلام شخصى المفروووووووووووض المكان الوحيد لهذا الكلام هو الاميل

وليس المنتدى لان المنتدى مكان عااااااااااااااااااام وليس مكاااان خاص

والمنتدى مكان ليه قوانينه وليه ضوابط يجب ان كل الاعضاء يمشوا عليها

لانه ليس من المعقول انى ادخل موضوع واجد فيه حوار شخصى

عن مثلا مواصفات شريكة الحياة وشريك الحياة

واجد كلام يدل على الحب وعلى الارتباطات العاطفية

واجد حوارات شخصية جدا جدا وكلام شخصى جدا

المفروووووووض مكانه الاميل او التليفون او المقابلة الشخصية

لكن المنتدى كما ذكرت مثل القناة الفضائية

غير مسموح بالكلام الشخصى او بالحوار الشخصى

لانه مكاااااااان عام

هل ينفع مثلا ان شخص يقوم بعلو صوته والتحدث الى انسانة مثلا معجب بيها

امام الناس فى الشارع ويتكلم معاها امام الناس كلهم وكله شايفه وشايفها وسامعينها وسامعينه

طبعا لاء لان اى حوار لازم يتم بشئ من الخصوصية

المنتدى ليس له علاقة بالشئون الشخصية او الكلام الشخصى

الاميل موجووووووووووووووود

انا عاوز الالعاب تبقى العاب اللى يدخل يلعب

يلعب عادى بدون مجموعات او شلل

تالت شئ وده اهم شئ وياريت محدش يزعل منى فيه

طبعا لكل حاجة حدود وزى مالرسول عليه الصلاة والسلام قال

خير الامور الوسط

بمعنى ان كل شئ ليه حدود

الهزار فى المنتدى ليه حدود

اوك فى هزار بس لازم يتم فى حدود

مينفعش اقول لبنت مراتى وحبيبتى والكلام ده ممنووووووووع

الكلام ده ممكن يتم فى الاميل او فى اى وسيلة اخرى خاصة

لكن المنتدى ممنوع فيه الكلام ده او الكلام الغير مباشر اللى يدل على كدة

حتى لو من بـــــــــاب الهزار وبكررها تانى حتى لو من بــــــــاب الهزار

لان الهزار ليه حدود

انا عن نفسى ياما هزرت فى القسم ده والكل عارف

لكن هل انا عمرى هزرت وقولت ان دى مراتى او حبيبتى او اى كلمة

حتى لو البنت هتتقبلها طبعا مبقولش لان ده كلام شخصى وكلام مينفعش اقوله لانسانة على الملئ

حتى لو من الهزار

اللى عاوز يقول كدة ممكن على الاميل يهزر ويقول كلامه ده

لكن القسم هنا العاب وتسلية وترفيه فقط

رابع شئ هناك كثير جدا من العضوات البنات لم يدخلوا المنتدى

بسبب ذلك القسم كتير من العضوات وحتى الزوار كلمونى على الاميل الشخصى

وتحدثوا معى بهذا الامر

ومنهم من ترك المنتدى نهائيا بدون رجعه ......

ومنهم من يدخل ولكن لايشارك لانهم بيدخلوا قسم الالعاب بيحسوا انهم غرباء فيه

ومش قادرين يردوا ولا يتواصلوا مع حد

وكمان خجلهم الشديد من الردود هنا بتمنعهم من المشاركة

مع الشباب فى المنتدى

واسف على الاطالة .......... فى ذكر الاسبـــــــاب

نيجى للقوانيـــــــــــــــــــــــــــــــــــــــــــــن والضوابط وياريت الجميع يمشى عليها

لان للاسف وهضطر اسفا اللى مش هيمشى عليها

هيتم تحذيره مرة واتنين المرة التالتة للاسف هتتوقف عضويته من المنتدى

انا طبعا والله مش بحب حد يزعل منى لكن ده لمصلحة المنتدى

لانى مش معقول اكون مدير ومسئول عن المنتدى ده

واسيبه كدة بدون ضوابط ولا قوانين لان دى مسئولية وهتسائل عنها يوم القيامة

اولا المشاركة فى قسم الالعاب وبقية الاقسام الاخرى بالتساوى

واى عضو يجب عليه انه يشارك فيه بقية الاقسام الاخرى بالمواضيع والردود

بجانب طبعا انه يدخل القسم الترفيهى ده ويشارك فيه لازم يكون فى مساواة بين الاقسام

لان حرام اترك الاقسام المفيدة والاساسية للمنتدى وادخل قسم ترفيهى هزار فقط وضحك وتسلية حرام بجد

لو هنعمل كدة يبقى حياتنا كلها لعب فى لعب وننسى مستقبلنا وافادتنا ....... ارجو الالتزام بهذا القانون

تانى قانون عدم التحدث بكلام شخصى نهائيا نهائيا اللعب فقط والترفيه فقط والبعد تماما تماما عن الكلام الشخصى

لانى لاحظت ان المواضيع اصبحت الان مثل الشات كانها غرفة شات سؤال واجابة وشات

تالت قانون عدم الخوض بكلام عن الحب وعن العواطف والبعد عنها تماما حتى لو من باب الهزار

ده كلام شخصى ايضا ممكن الكلام ده يتقال على الاميل لكن المنتدى غير مسموح بذلك

رابع قانون احترام الاعضاء وردودهم واحترام مدير المنتدى وعدم تجاهل الردود

من قبل بعض الاعضاء ...............

اسف على الاطالة ولكن كان يجب وضع مثل هذا الموضوع للاهمية

ارجو محدش يزعل منى ولكن انا اضطررت لكدة متاسفا

» مبتدي فى تعلم تعديل في الصور ارجو المساعده
» لقاء مع افضل مصمم فوتوشوب فى العالم لكل محترفى برنامج الفوتوشوب الدخول
» لقاء مع افضل مصمم فوتوشوب فى العالم لكل محترفى برنامج الفوتوشوب الدخول