يمه يقولون حب البنت (موعادي)

يمه يقولون حب البنت (موعادي)

--------------------------------------------------------------------------------

يُمَـه ذبحنـــــي بغـــلاه ... وطبعه الهــادي
هو صاحب الفضل في هالعشق ... والمنة

مدري انا الباديــة ... والا هــــــو البــادي
بس المهم الهــوى فينا غــرز سِـــــــنه

والله يا حضنه حضن ... وشفاهه تنادي
وجوارحي كلهن يُمَـه ينادنه

يُمَـه وربي انا مالوم حسادي
ادري بهن حاولن بالكيد يغونه

وهو يتحمل غثاي ... ويعشق عنادي
يموت بي موت وغيري ما درى عنه

يُمَـه تماديت به والقلب متمادي
ومشاعري ضيعن قلبي ... وذلنه

من قبل اعرفه وقلبــي بالهوى غـــادي
وعقبه عــرفت النعيم وريحــة الجـــنة

انفاس صــدره اذا فاحت زهر كـــادي
اقرُب من شفـــاهـه الحلـــوات وآكـــنه

ادري الهوى شين ... لكن ربي الهادي
يمكن يجي يوم وانسى ... بـس ما اضنه

شابت عيونه على فرقاي وبعــــــادي
وذابت حوايف خصر سلمى من الحنة

اقول خذني " من الوادي ... الى الوادي "
ويقول بس اركدي واجيك بالسنة

وركدت يُمَـه ... ولكن طَوّل ركادي
متى البشاير يجن قلبي يهزنه ...؟!

اقلق مزاجي هواه ... وعكر رقادي
وعروق قلبي من النشوة يحزنه

افز من عز نومي بحلمي انادي
اوِن بإسمه ... وترجع لإذني الونة

اللي عشق غير خلي ... بالهوى غادي
واللي عشق غير خصري ... بايخٍ فنه

يُمَـه يقولون عشق البنت "مو عادي"
والا الولد لو عشق يمكن يجي منه ...؟!


[center]